Аказваецца раз у дзесяць гадоў трэба змяняць вадзіцельскае пасведчанне. Працэдура няхітрая - здаеш у гарадскую ДАІ старое пасведчанне, плаціш грошай і праз пару гадзін забіраеш новае. І на наступныя 10 гадоў вольны яздзюк. Але, у гэтае кароткае імгненне паміж здаў і атрымаў вадзіцель безабаронны як Багіра перад агнём.

Вось адна цётка (нічога гендэрнага супраць не маю, проста гісторыя здарылася менавіта з цёткай) здала вадзіцельскае пасведчанне, выйшла з ДАІ (што на Дзяржынскаго) і звярнула ўвагу, што прыпаркавалася ў крывым месцы, а побач вызвалілася месца знач лепей. Толькі паспела завесці матор, як побач паўстаў усмешлівы ахоўнік дарожнага закона.

- Дабры дзень, вашы дакументы.
- А... э... Так я толькі што здала і чакаю атрымання новага пасведчання…
- Так, зразумела. Артыкул 18.18. Кіраванне транспартным сродкам асобай, не маючай дакументаў, прадугледжаных правіламі дарожнага руху. Пройдзем, нам ёсць аб чым пагаварыць.

Чым уся справа скончылася невядома, але ясна адно: ніколі нельга драмаць за рулём - ворагі навакол.

[an error occurred while processing this directive]